Верный (Алматы) қаласының Пушкин саябағындағы Түркістан Кафедральдық соборының құрылысы 1904 жылы Түркістан және Ташкент епископы Паисий (Виноградов) кезінде басталды. Собордың жобасын жергілікті архитектор Константин Аркадьевич Борисоглебский жасады. Құрылысқа облыстық инженер Андрей Павлович Зенков жалпы бақылау жүргізді.

Вознесенский  кафедральдық соборы 1907 жылы салынды. Собордың үш приделі бар: орталық придел Құдайдың Көкке Көтерілуін мадақтау мерекесін еске алу құрметіне; оңтүстік придел – Аса қасиетті Құдай Анаға Ізгі Хабар берілуі құрметіне; және солтүстік придел – алғашқы орыстардың мекендеуі кезінен бастап Жетісудың жебеушілері болып есептелетін киелі жапа шегушілер Вера, Надежда және Любовь және олардың анасы Софияның құрметіне.