Көкшетау және Ақмола епархиясының діни қызметкерлерінің епархиялық жиналысы өтті

2023 жылғы 15 тамыз. Көкшетау. Мәсіхтің Қайта тірілуі соборындағы рухани-ағарту орталығы ғимаратында Көкшетау және Ақмола архиепископы Серапионның төрағалығымен Көкшетау епархиясының епархиялық жиналысы өтті.

Жиналысқа қатысқандар: шіркеу округтерінің тәртіп қараушылары, ғибадатханасының қауымбасылары мен клириктері, епархия бөлімдерінің басшылары және епархия басқармасының қызметкерлері.

«Көктегі Патша...» дұғасы мен дәстүрлі сәлемдесуден кейін кездесуді архиепископ Серапион ашты. Жиынды ашқан епархия меңгерушісі жиналғандарға сәлемдеме сөзін айтты. Одан әрі иерарх жиналғандар назарына баяндама жасады, онда өткен алты айдың қорытындысы туралы айтып, екінші жартыжылдыққа арналған рухани-ағартушылық, әлеуметтік және жастарға бағытталған іс-шаралардың жалпы жоспарын айқындады.

Жұмыс барысында қатысушылар приходтық өмірді жандандыру, рухани ағартушылықты дамыту қажеттігін атап өтті, сонымен қатар жексенбілік мектептердің қызметін, ғибадатханалар мен шіркеу ғимараттарын салу және қалпына келтіру мәселелерін талқылады.

Жиын соңында архиепископ Серапион епархия кеңесінің мүшелеріне, епархия бөлімшелерінің басшыларына, тәртіп қараушылары мен қауымбасыларға атқарылған жұмыстары үшін алғысын білдірді.