Instagram әлеуметтік желісінде Қазақстан Митрополит округінің қазақ тіліндегі православиелік рухани-ағартушылық парақшасы ашылды

2023 жылғы 16 ақпан. Астана және Қазақстан митрополиті Александрдың рұқсатымен Instagram әлеуметтік желісінде Қазақстан Православие Шіркеуінің қазақ тіліндегі «ӨНЕГЕЛІ ӨМІР» рухани-ағартушылық парақшасы ашылды.

Парақшаның мекенжайы: www.instagram.com/onegeli__omir

Парақшада православиелік сенім негіздері туралы әңгімелейтін материалдар, Қазақстан Митрополит округінің қызметі туралы ақпарат, рухани өмірге қатысты сұрақтарға жауаптар, сондай-ақ құдайлық қызметтер мен шіркеу оқиғаларынан фотосуреттер мен бейнелер, шіркеу мен ғибадатханалар, Мәсіх Шіркеуінің жаңа азап шегушілері мен тәубе етушілерінің ерліктерімен байланысты орындардың суреттері жарық көретін болады.

Жоба «Апостол» қорының (президент Г.Г. Сосновский) қолдауымен және Алматы православиелік рухани семинариясының қатысуымен жүзеге асырылады.