Құдай Иеміздің Түрленуі. Митрополит Александр Оңтүстік астананың бас ғибадатханасында Литургия өткізді (+ВИДЕО)

2023 жылғы 19 тамыз – Құдай Иеміздің және Құтқарушымыз Иса Мәсіхтің Түрленуі ұлы мерекесі.

Астана және Қазақстан митрополиті Александр Алматыдағы Вознесенский кафедралық соборында Литургия өткізді.

Митрополиттік округ Басшысымен бірге құлшылық еткендер: Қазақстан Православие Шіркеуі істерінің меңгерушісі Қаскелең епископы Геннадий, Астана епархиясының викариі Талғар епископы Вениамин; Алматы рухани семинариясы ректорының міндетін атқарушы, Митрополиттік округінің ақпарат және баспа бөлімінің басшысы протоиерей Евгений Иванов; Вознесенский соборы кілшісінің орынбасары иерей Андрей Шкляр, протоиерей Димитрий Сидоров, митрополиттің жеке хатшылығының меңгерушісі иеромонах Прохор (Ендовицкий), Митрополит округі басшысының әкімшілік хатшылығының жетекшісі иерей Георгий Сидоров; протодиакон Николай Гринкевич, Митрополиттік округі Басшысы хаттама қызметінің жетекшісі протодиакон Роман Головин, протодиакон Владимир Сыровацкий, диакон Виталий Быструшкин, иеродиакон Софония (Мазуренко).

Дұға еткендер: Алматы епархиялық басқармасының қызметкерлері, епархия жанашыр-демеушілері және көптеген прихожан.

Литургия әндерін Митрополит округінің хоры (регент – Ресейдің Еңбек сіңірген өнер қайраткері О.Н. Овчинников, хормейстер – В. Дударева) және Вознесенский соборының хоры (регент – Н. Зубревич) орындады.

Қазақстан Православие Шіркеуінің басшысы бейбітшілікті қалпына келтіру және нығайту үшін дұға етті.

Қасиетті өлең туралы уағызды протоиерей Евгений Иванов айтты.

Литургия соңында, Шіркеу Жарғысына сәйкес, биылғы егіннің жүзімдерін, сондай-ақ жаңа піскен әртүрлі жемістерді киелендіру рәсімі жасалды.

Дінбасылар мен хор тропарь, кондак және мерекені дәріптеу; архипастыр жаңа піскен жемістерге киелендіру дұғаларын оқып, дұға еткендерге қасиетті су бүркіді.

Митрополит Владыка дінбасылар мен сенушілерге Иеміздің Түрленуі мерекесімен құттықтап, жиналғандарға уағыз айтты.

Қазақстан Православие Шіркеуінің басшысы протоиерей Евгений Ивановты діни қызметке тағайындалуының мерейтойымен құттықтап, оған қасиетті просфораны табыс етті, атқарған жұмысы үшін алғыс айтып, Қасиетті Шіркеу қызметінде оған рухани және тәндік күш пен Құдайдың рақымы тіледі.