Қостанайда Православтық жастар күні атап өтілді

2023 жылғы 18 ақпан. Қостанай. Астана және Қазақстан митрополиті Александрдың батасымен Әулие Никольский шіркеуінің мәжіліс залында Православтық жастар күніне арналған мерекелік концерт өтті.

Шараны ұйымдастырушылар – Қостанай епархиясының жастар бөлімінің басшысы Наталья Зубкова мен жастар қозғалысының белсендісі, Қостанайға танымал авторлық әндерді орындаушы Наталья Закора.

Концертті көруге Қостанай епархиясының діни қызметкерлері, шіркеулердің приходтары, православтың жастар қозғалысының өкілдері, қаладағы жексенбілік мектептердің тәрбиеленушілері келді.

Мерекелік бағдарлама басталар алдында Сарыкөл шіркеу округінің тәртіп қараушысы, Константин-Еленинский соборының клиригі протоиерей Виталий Клеба сөз сөйледі. Виталий әкей барлығын Иемізбен жүздесу күнімен және Православтық жастар күнімен құттықтап, Мәскеу және бүкіл Русь Қасиетті Патриархы Кириллдің мерекелік үндеуін оқыды.

Жиналғандар алдында Қостанай қаласының жастар қозғалысы қатысушылары, жергілікті ақындар мен өнер иелері шығармашылық нөмірлермен өнер көрсетті, сондай-ақ Сретенский балының дәстүрі бойынша «Алтын дала» ансамблінің мүшелері вальс биледі.

Көңілді әрі шығармашылық атмосферада өткен мереке қарым-қатынас пен жаңа таныс табудың ерекше алаңына айналды. Көрермендер өнерпаздардың шеберлігіне тәнті болып, ду қол шапалақпен жоғары бағалады.