Қазақстан Митрополиттік округінде архимандрит Кириллге (Бородин) арналған көрме өз мәресіне жетті

9 қазан. Көкшетау. Мәсіхтің қайта тірілуі соборындағы рухани-ағарту орталығының ғимаратында «Архимандрит Кириллдің жеті құпиясы» көрмесі өз мәресіне жетті.

Көрме Қарағандылық әулие Севастианның шәкірті, Қасиетті Үшім-Сергиева Лавраның шәкірті, ХХ ғасыр сенімін мойындаушы, қудалау жылдарында Оптина қарияларынан қалған рухани мұраны сақтаған атақты тақуа Кириллге (Бородин) арналған.

Көрмені ұйымдастырушы – Орал шіркеулік-тарихи қоғамының төрағасы, Екатеринбург рухани семинариясының ғылыми қызметкері, тарих ғылымдарының кандидаты Андрей Владимирович Печерин. Ол Ресейдегі, жақын-алыс шетелдердегі ақсақалдың рухани балалары туралы мәліметтер жинап, ақсақалдың құжаттары, фотосуреттері мен жеке істері жинағын жасады. Осы мақсатта ғалым Мәскеу, Рига, Сергиев Посад, Анапа, Зеленоград, Вятские Поляный, Қарағанды, Астана және басқа да қалаларға саяхат жасады.

Архимандрит Кирилл (Бородин) өзінің діни қызметін Көкшетау епархиясының аумағында атқарды. Оның ерекше дарыны мен рухани батылдығының арқасында Солтүстік Қазақстанның көптеген қаласында приходтар ұйымдастырылып, шіркеулер ашылды.

А.В. Печерин жиналғандарға көрменің тұжырымдамасы туралы айтып, экскурсия жасады.

Воскресенский соборының тәртіп қараушысы, священник Валерий Анферов Көкшетау епархиясының билеуші епископы атынан Андрей Владимировичке және оның әйеліне Кириллдің (Бородин) ақсақалдың өмір тарихын терең қозғауға мүмкіндік бергені үшін алғысын білдірді.

Көрмені ұйымдастырушылардың алдағы жоспарлары – архимандрит Кириллді еске алу және 1970-1980 жылдардағы православие тарихына арналған тұрақты көрме құру.

Көрменің Қазақстан митрополиттік округінің аумағы бойынша саяхаты Ақмола облысының орталығы Көкшетау қаласында аяқталды. Көрме барысында оны Алматы, Астана, Көкшетау және Қазақстанның басқа да қалалары мен ауылдарынан 2500-ден астам адам тамашалады.