Қазақстан Митрополиттік округі құрылғанына 20 жыл толуына орай Астана және Қазақстан митрополиті Александрдың Үндеуі

Сіздердің жоғары аса қасиетті мәртебелеріңіз!
Ардақты әкелер, қымбатты аға-бауырлар мен әпке-қарындастар!

МӘСІХ ТІРІЛДІ!

Епископатты, дін қызметкерлерін және құдайшылдарды айтулы дата – Қазақстан Митрополиттік округінің құрылғанына 20 жыл толуымен құттықтаймын.

Құтқарушының Қайта тірілуінің нұрымен нұрланған Пасха күндері біз осыдан жиырма жыл бұрын мәңгі есте қалатын Қасиетті Патриарх II Алексий басқарған Қасиетті Синодтың Ұлы Дала кеңістігінде ерекше канондық құрылымды, яғни Қазақста Православие Шіркеуін қалай құрғаны есімізде. Әулие Патриарх тарихи жарлыққа қол қоя отырып, келесі сөздерді айтты: «Қазақстандағы шіркеу құрылымын өзгертетін уақыт келді. Онда православие шіркеуінің қоғам мен мемлекеттегі лайықты рөлін қамтамасыз ету үшін қолдауды қажет ететін миллиондаған православ халқы тұрады. Бір елдің аумағында орналасқан епархиялардың қызметін үйлестіру қажет болды. Ол үшін Қазақстанда Митрополит округін құру туралы шешім қабылданды». Бұл тағдыршешті оқиға болды, сол кезден бастап тәуелсіз жас республикадағы шіркеу өмірін одан әрі дамытудың жолдары айқындалды.

Қазақстан Православие Шіркеуінің тарихы ежелгі дәуірден бастау алады, христиандық апостолдардың дәуірінде Орталық Азияның кең-байтақ жерінде уағыздалған. XIX ғасырда мұнда Түркістан епархиясы құрылды, оның бірінші иерархы тақуа және дұға жазушы, Мәсіх саласындағы қажымас қайраткер, Ұлы дала елшісі архиепископ Софония (Сокольский) болды. Архипастырлар, дінбасылар мен діни қызметкерлер екі ғасыр бойы жүргізген Інжілді белсенді уағыздау негізінде Қазақстан жерінде Мәсіхке деген сенім айтарлықтай нығайып, мол жеміс әкелді. Оның дәлелі шырайлы шіркеулер мен монастырлық етушілер, ең бастысы, көптеген тақуа мен шіркеу қызметкерлері көрсеткен сенім мен дін жолындағы ерлігі болды, олардың арасында көптеген жаңа азап шегушілер мен тәубе етушілер ерекше орын алады. Қазақстанды «Ашық аспанға астында кең жайылған антиминс» деп бекер айтпаған. Православие тарихында әулие Николайдың, Алматы митрополиті, қасиетті азап шегуші Пименнің, епископ Верненский, әулие Севастиан Карагандинский және Мәсіхтің аты үшін басқа да көптеген азап шеккендердің есімдері алтын әріптермен жазылған. Біз олардың дұғасының шапағаты бізге көмектеседі және осында тұрып, жұмыс істейтін Митрополит округіндегі шіркеуге мойынсұнушылықты ұстанатындардың барлығының сенімін нығайтады деген үміттеміз.

Алғашында Алматы, Орал және Шымкент епархиясын ғана қамтыған Қазақстанның Православие Шіркеуі қазірдің өзінде 10 епархиядан тұрады. Біздің еліміздегі шіркеу өмірінің барлық алуан түрлілігін ұйымдастыратын, үйлестіретін және бақылайтын Синод бар. Астана, Алматы, Өскемен және Қостанай қалаларында рухани, мәдени және әкімшілік орталықтар ашылып, белсенді жұмыс істеп жатыр. 10 жылдан астам Митрополиттік округтің жоғары оқу орны – Алматы рухани семинариясы дін мен шіркеу қызметкерлерін дайындап келеді. Қазақстан епархияларында қираған киелі орындарды қалпына келтіру және жаңа шіркеулер салу, оқу-ағарту орталықтарын құру және дамыту жұмыстары жалғасуда, приходтарда барлық мәдени-әлеуметтік, жастар жобалары жүзеге асырылып жатыр. Бұл жұмыстардың барлығы біздің Иеміздің: «Бүкіл дүниені аралап, Ізгі хабарды барлық жаратылысқа уағыздаңдар» (Марқа 16:15) деген шақыруына берген жауабымыз. Апостол Павелдың айтуынша, Құтқару сенімі Құдай сөзін тыңдау арқылы адамдардың жүрегіне қонады (Рим. 10:17). Бүгін, дұшпандық күштер қоғамдағы өмірден рухани мұраттар мен дәстүрлі моральдық құндылықтарды ығыстырып тастауға тырысып жатқан шақта біз православиелік христиандар, әсіресе Иеміздің құрбандық үстелінің қызметшілері, шынайы әрі ағыл-тегіл өмір тек айқышқа шегеленген және қайта тірілген Мәсіхте ғана екенін жақын және алыстағыларға тынымсыз куәландыруымыз керек (Жохан 10:10). Қазір ол үшін бізде көп мүмкіндік бар, ең бастысы, құны қымбат уақытты жоғалтпау, жалқаулық немесе бейқамдық рухына бой алдырмау. Осы түнек дүниенің (Ефес. 6:12) біз Құдайға және Оның әміріне деген перзенттік сенімімізге, Інжіл ақиқатында берік тұруымызға, православиенің ғасырлар бойы қалыптасқан негіздерін ұстануымызға қарсы тұра аламыз және қарсы тұруымыз керек. Мәңгілік және өзгермейтін Құдайлық әмірлерді ұстану ғана жеке өмірде де, қоғамдық өмірде де қиындықтарды, сынақтарды және тәртіпсіздіктерді жеңуге қабілетті. Уақыттың соңына дейін Мәсіхтің Шіркеуі бұл өмірді растайтын шындықты бүкіл әлемге жеткізеді.

«Егер өзара сүйіспеншіліктерің болса, сол арқылы бәрі сендерді Менің шәкірттерім екендеріңді білетін болады» (Жохан 13:35), – деп бұйырады Иеміз. Біз көршілерімізге белсенді түрде қамқорлық көрсету керекпіз, олардың арасында мұқтаждар, ауырғандар, қайғырғандар және ғаріптік көп. Сынақтарда жұбатып, қолдау көрсету, өмір қиындықтарын жеңуге деген үміт ұялату, сөзбен жігерлендіріп, көмек көрсету – осының барлығы әрбір шынайы сенуші адамның қасиетті борышы. Апостол былай дейді: «Біз – Иса Мәсіхте жақсылық істеуге жаратылған Оның жаратылысымыз. Соларды орындауға Құдай бізді алдын ала тағайындады» (Ефес. 2:10).

Бүгінгі таңда Ғаламдық Православие масштабындағы шіркеу бірлігіне қауіп төнуі ерекше алаңдаушылық тудырады. Сондықтан, осы қиын кезеңде Құдайдың мейіріміне деген құлшыныспен және үмітпен бәрімізге Мәсіхтің Шіркеуін алауыздық пен араздықтан, қастық пен берекетсіздіктен сақтау үшін дұға ету керек. Иеміз бұйырған қауымның бірлігін құлшыныспен сақтайық. Қасиетті азап шегуші Игнатий Богоносец: «Бауырларым, өз-өздеріңді азғыртуға жол бермеңдер, кім араздасуға апаратын адамның соңынан ерсе, ол Құдай Патшалығын мұрагерлікке алмайды», – деп ескертеді. Сіздерге апостолдық үндеуімен сөз айтамын, барлық жағдайда рух бірлігін өзара байланыстырған татулық арқылы сақтауға тырысыңыздар (Ефес 4:3).

Қазақстан Православие Шіркеуінің соңғы тарихи кезеңде басып өткен жолын еске түсіре отырып, біз одан сабақ алуға, еліміздегі рухани өмірді дамыту үшін атқарылған және әлі де күш пен дарынды қажет ететін істерді бейтарап бағалауға тырысамыз. Бәріміздің, архипастырлардың, діни қызметкерлердің, монастырлардың және діндарлардың алдында жаңа күрделі міндеттер – қайшылықтар мен қақтығыстары бар, қатыгездік пен бейқамдықтан зардап шеккен заманауи әлем жағдайында Інжілді уағыздау мен барлық адамдарды құтқаратын Құдайдың рақымының мәнін түсіну маңызды (Тит. 2:11).

Үш күндік қайта тірілген Мәсіх Құтқарушы, Ең қасиетті Құдай Анасының шапағатымен, жаңа азап шегушілер мен тәубе етушілері және барлық әулиелердің дұғалары арқылы бізге тыныш, жайбарақат, құдайшыл да таза өмір сыйласын (1 Тим. 2:2), бізді Өзінің құдіретті күшімен нығайта гөрсін (Ефес. 6:10) және келер жылдарда Православие дінінің игілігі үшін, жақындарымыздың игілігі үшін, құтты Қазақстан жерінің гүлденуі үшін ерінбей еңбек етуімізге көмектессін.

МӘСІХ ТІРІЛДІ - ШЫНДЫДА ТІРІЛДІ!

ҚАЗАҚСТАН ПРАВОСЛАВИЕ ШІРКЕУІНІҢ БАСШЫСЫ

АСТАНА ЖӘНЕ ҚАЗАҚСТАН МИТРОПОЛИТІ